- 110 -
1429 (23. stycznia) W niedzielę po dniu św. Wincenta Męczennika.
Przymierze Ślązaków z książętami sasko – turyngskimi oraz Sześcioma Okręgami i Miastami Łużyc.
— In gotes namen amen. Czu lobe vnd ere dem almechtigen gote, siner werden muter, der hymmelkoniginnen Marien, czu sterkunge dem heiligen cristenglouben vnd allen cristengloubigen, die in dissen enden von den vordampten kezczern zcu Behemen mit morde, brande, zcustorunge vil kirchen vnd mit roube gruszamlichen vorgeweldiget vnd hertlichin benotiget werden, zcu troste vnd zcu dinste dem allerdurchluchtigistem fursten vnd herren hern Sigemunde, romischen konige, zcu allenzcyten merer des rychs etc. vnd zcu Behemen konige, vnserm gnedigisten lieben herren, haben wir von gotes gnaden Friderich, herczoge zcu Sachsen, vnd Friderich, lantgrave in Doringen vnd marcgrave zcu Missen, vor eynen man an einem teile mit den hochgebornen fursten ern Conrade, bischove zcu BresslawWrocław, hern Lodewige zcum BrigeBrzeg, hern Johanse zcum SaganŻagań, hern Conrade Centhener, hern Conrade dem wiszin, gebrudern zcur OlszenOleśnica vnd zcur CosleKoźle, herrn Ruprechte vnd hern Lodewige, gebrudern zcu LobinLubin vnd zcur OlenOława, herzogen in Slesien, vnd den edeln gestrengen, tuchtigen vnd wolwiesen ern Boten von Czschastolawitz, landen, mannen vnd steten der furstenthume Breszlaw, SwyniczŚwidnica vnd JauwerJawor vor einen man am andern teile eine einunge vnd vorbuntenisze, eynander getruwelichen zcu helffen vnd zu raten widder die vorgenanten keczczere zcu Behemen vnd ire volleist begriffen, beteidinget vnd gemacht, eynen vnd vorbinden vns in craft disses brives vnd von datum disses brieves vnd von dissem nestkomenden sente Jorgentage [29. kwietnia] uber eyn gancz jar vnsers gnedigisten hern des romischen etc. koniges vnsern landen vnd luten an beiten teilen zcu beschuczczunge vnd zcu beschermunge vnd die in fride vnd in gemach zcu brengen vor yn mit der hulffe gotes des almechtigen, noch unserm besten vormogen, also nemelichin: weres, da got vor sie der almechtige vnd nicht gebe noch vorhenge, das die vorgenanten vordampten vnde vorthumpten keczczere die Slesie mit macht uberzcyhen wurden vnd meynten zcu beschedigen, wenne danne die vorgenanten fursten vnd herren, lande vnd stete in der Slesien vns vorgenanten hern Friederiche, herczogen zcu Sachsen, vnd hern Frideriche, lantgraven in Doringen vnd marcgraven zcu Missen, mit irer redelicher botschaft vnd brieven, dy sie uns gein Missen thun sollen, irmanten vmb hulfe yn widder die keczczere in eyn felt zu senden, das sie uns denne benumen wurden, wo sie das gemacht hetten in der Slesien, so sullen, globen vnd wullen wir ane geverde vnd lengern vfczog in den virzcen tagen, die sich mit dem tage irer vorkundigunge anheben vnd nocheinander volgen werden, tusent woel besaczter pferde reysiges geczuges vzrichten vnd in die senden vf vnser einige zcerunge vnd ebinthure gein LigeniczLegnica, also das sie in den virzcentage [dahin komen sollen] ader zcwene ader dry tage darnoch ane geverde vnd in danne volgen sollen in das felt, wo des nottorft sin wirdet, in den begriffen landen vnd in dem felde by yn zcu harren, dy wiele das felt weret. Wer es aber sache, das die vnsern in die Slesie qwemen vf eine tagereyse nahe der stat, da sie vns das felt benumet vnd bescheiden hetten, vnd sie danne in dem felde nicht weren, so mogen vnd sollen dy vnsern mit gutem gelimpfe widderkeren mit guten eren vnvordacht vnd uf das mal damidte den bunt nicht gebrochen haben, desglichin widderumbe, da got vor sie vnd nicht vorhenge, ab dy vorbenanten vordampten vnd vorthumpten keczczere das lant zcu Missen, das vnser vorgenanten fursten beider ist, mit macht uberzcyhen wurden, wanne danne wir obingenanten fursten, herre Friderich, herczoge zcu Sachsen, vnd herre Friderich, landgraven in Doringen vnd marcgraven zcu Missen die vorgenanten fursten, herren, lande vnd stete in der Slesien mit vnser redelicher botschaft vnd briven, dy wir den fursten gein Ligenicz vnd den landen und steten gein der Swynicze thun sollen, jrmanten vmb hulffe uns widder dy keczczere eyn felt zcu senden, das wir in danne benennen wurden, wo wir das gemacht hetten in dem lande zcu Missen, so sollen vns dy obginanten fursten, herren, lande vnd stete ane geverde vnd ane lengern vorzcog in den virzcentagen, die sich mit dem tage vnser vorkundingunge anheben vnd nocheinander volgen, tusent wolbesaczter pferde reisiges geczuges vszrichten vnde vns die senden vff ire eygen zcerunge vnd ebinthure gein Dresden, also das sie in den virrzcentagen dahin komen sollen ader zcwene ader drie tage darnoch ane geverde vnd vns danne in in das felt folgen, wo des nottorfft sin wirdet in den vorbegriffen landen, vnd in dem felde by vns beharren, dy wiele das felt wert. Weres aber sache, das dy iren in das land zcu Missen qwemen vf eine tagereyse nahe der stat, da wir yn das felt benumet vnd bescheiden hetten vnd wir danne in dem felde nicht weren, so mogen vnd sollen die iren mit gutem gelimpfe wedirkeren mit guten eren, vnvordacht vnd vf das mal damite den bunt nicht gebrochen habin. Ouch als wir herre Friederich, herczoge zcu Sachsen, vnd herre Friedrich, lantgraven in Doringen vnd marcgraven zcu Missen vnd dy obingenanten fursten, lande vnd stete in der Slesien an beyden teilen vns voreynet, vorbunden vnd vorschribin haben mit den mannen vnd steten der sechs lande vnd stete, also wer es sache, da got vor sie, das sie die keczczere uberzcyhen vnd virgeweldigen wolden, das wir Friederich, herczoge zcu Sachsen, vnd Friederich, lantgraven in Doringen vnd marcgraven zcu Missen, mit vnser macht gein BudissenBautzen (pol.: Budziszyn) w G. Łużycach (D) komen vnd eyn felt da machen sollen, vnd wir fursten, lande vnd stete in der Slesien mit vnser macht gein GorliczGörlitz w G. Łużycach (D) komen vnd ouch eyn felt da machen sullen. Weres aber, das dy keczczere vor Budissen legen, also das wir mit vnser macht dachin gein Budissen nicht komen kenden, vnd des glich ouch ab die keczczer vor Gorlicz legen, also das die usz der Slesien mit irer macht dahin nicht komen konden, so sollen vnd globen wir obingenanten herre Friderich, herczog zcu Sachsen, vnd Friderich, lantgraue in Doringen, mit vnser macht zcu rucken vnd zcu komen by BischofeswerdeBischofswerda (pol. hist: Biskupice) w G. Łużycach (D) vnd wir usz der Slesien mit vnser macht zcu rucken vnd zcu komen by den LubanLubań vnd in dem felde ye zcu beharren, bys das wir einander botschaft gethun mogen, wo wir zcusampne komen vnd gerucken. An welchem vnder vns beiden teilen das bruch werde, das got nicht gebe, vnd also als vorgeschribin stet nicht qwemen, so sall das ander teil den vorgenanten landen, mannen vnd steten der sechs stete getruwelichin das ander teil helffen dermanen by truwen vnd eren, bys das in darumbe uzrichtunge geschege. Ouch ist beret vnd beteidinget nemelichin also, welch teil dem andern in syn lant zcu dem felde die hulffe vnd volge mit here thun wirdet, dasselbe teil vnd mag spise, notturft vnd futer nemen in dem lande, do es denne hin zcu hulffe komen ist vnd die folge gethon hat. Ader mitnamen nymant sal plundern noch nemen, das er weg furen ader triben wolde ane arg, so sal ouch das teil in dos lande, danne das felt gemachet wirdet, in den steten vnd ouch in dem felde allerleie nottorft beqwemen kouf seczczen vnd idermanne fry zcubacken zcu bestellen vnd dy straszen vffen behalden, als das woel billich vnd recht ist, vnd wanne sie danne also in gotes namen zcusampne in das felt komen, so sollen wir obingenannten furstin, manne, lande vnd stete in dissem vorbuntenisse begriffen noch gutem rate eynen frien margkt lassen ruffen vnd den hertlichen zcu vorteidingen vnd hanthaben, das er wirdiclichin gehalden werde. Und das alle vnd icliche stucke, punckte vnd artikele disser eynunge vnd vorbuntenisze von vns vorgenanten Frideriche, herczogen zcu Sachsen etc., vnd Frideriche, lantgraven in Doringen etc. stete, feste vnd vnvorbrochlichin gehalden werden sollen, das gereden wir by vns ern furstenlichin wirden ane geverde, vnd des zcu orkunde vnd merer sicherheit haben wir beide vnser insegele hirane hengen lassen.
Gegebin noch cristi gebort virczenhundert jar vnd darnoch in dem nunvndczwenczigisten jare am suntage noch Vincencii mart.